AULON KUQI

AULON KUQI – Kam përfunduar shkollën në vitin 2014. Dita ime e parë në shkollë filloi me leximin e emrave të nxënësve të rinj. Një kampus i madh dhe i gjelbëruar, kërkon shoqëri për ta shijuar. Kujtoj me mall mësuesen time kujdestare, Aida Rembeci, mësuese dhe njeri i jashtëzakonshem. Që në vitin e parë të studimeve kemi patur mundësi të shkëlqyera për nxënësit: Panairi i Universiteteve ndërkombëtare, Parlamenti Europian i të rinjve, klubi i debatit… Sjell ndërmend kujtime të ndryshme: ri-nisja e gazetës Laboremus, pjesëmarrja në parlament, bashkëpunimi me studentët nga WPI, kursi online MITx.

Një nga vlerat kryesore të Fultz-it është pjesëmarrja e nxënësve në aktivitete të ndryshme si edhe bashkëpunimi i ngushtë i stafit me nxënësit. Në Fultz kam zhvilluar aftësi të jashtëzakonshme të cilat më ndihmuan shumë në studimet e larta. Jam diplomuar për Shkenca kompjuterike. Ruaj marrëdhënie të mira me disa mësues: Aida, Enkelejda, Drejtoreshë Brikena, Luesta, Suela… Sot jam Technical Consultant për KPMG në Bremen, Gjermani.

Mesazh: Vështirë të këshillosh një brez që nuk e njeh. Fjalët e mia duhen lexuar si një histori personale, jo si një tekst që duhet ndjekur përmendësh!